دوست کی سالگرہ میں تلوار بازی کرنا پڑا مہنگا

مہاراشٹر کے اورنگ آباد شہر میں دوست کی سالگرہ میں تلوار بازی کرنے والے ایک نوجوان کو پولس نے تلوار کے ساتھ گرفتار کر لیا ہے۔ جبکہ ایک نوجوان فرار ہونے میں کامیاب ہو گیا۔

دوست کی سالگرہ میں تلوار کے ساتھ رقص کرنا ایک نوجوان کے لیے مہنگا پڑ گیا۔ اس ضمن میں مقامی پولس نے کاروائی کرتے ہوئے ایک ملزم کو تلوار کے ساتھ حراست میں لے لیا ہے جبکہ دیگر ایک دوسرا نوجوان فرار ہونے میں کامیاب رہا۔

جنسی پولس اسٹیشن سے موصولہ تفصیلات کے مطابق 12 دسمبر کو کراڑ پورہ پانی کی ٹنکی کے قریب واقع میدان میں ریاض نام کے شخص کی سالگرہ کی تقریب کا اہتمام کیا گیا تھا۔ اس موقع پر اس کے دو دوست مدثر عبد الخالق اور الیاس تلوار کے ساتھ رقص کر رہے تھے ۔

مخبر کی اطلاع پر پولیس نے ایک اسکواڈ کو موقع پر روانہ کیا جہاں دونوں تلوار کے ساتھ رقص کرتے دکھائی دیئے۔ پولس نے مدثر کو حراست میں لے لیا جبکہ الیاس فرار ہونے میں کامیاب رہا۔ اس ضمن میں پولس نے ملزمین کے خلاف آرمس ایکٹ کے تحت معاملہ درج کر لیا ہے۔