سشانت سنگھ کیس: ممبئی پولیس، سی بی آئی کے ساتھ تعاون کررہی ہے: وزیر داخلہ

مہاراشٹر کے وزیر داخلہ انل دیشمکھ نے کہا کہ ممبئی پولیس سُشانت سنگھ راجپوت کی موت کے معاملے کی جانچ میں مرکزی تفتیشی بیورو (سی بی آئی) کے ساتھ مکمل تعاون کررہی ہے۔

انل دیشمکھ نے کہا کہ سی بی آئی کی ٹیم معاملے کی جانچ کے سلسلہ میں گزشتہ 20 اگست سے ممبئی میں ہے۔ اس سے پہلے معاملے کی تحقیقات ممبئی پولیس کررہی تھی لیکن اب ممبئی پولیس سی بی آئی کا مکمل تعاون کر رہی ہے۔

واضح رہے کہ بالی ووڈ اداکار سُشانت سنگھ راجپوت نے گزشتہ 14 جون کو ممبئی کے مضافاتی علاقے باندرہ میں اپنے اپارٹمنٹ میں مردہ حالت میں ملے تھے اور ممبئی پولیس اس معاملے کی تحقیقات کررہی تھی۔

تاہم سپریم کورٹ نے سی بی آئی کو اس ہائی پروفائل معاملہ کی تحقیقات کا کام اپنے ہاتھ میں لینے کا حکم دیا تھا۔ اس کے دو دن بعد سی بی آئی نے جانچ کا کام شروع کردیا۔ اس معاملہ نے اتنا طول پکڑ لیا تھا کہ مہاراشٹر اور بہار حکومتوں کے مابین تلخی آگئی تھی۔