ایم پی ایس سی امتحان منسوخ ہونے کے بعد اورنگ آباد میں طلباء سڑکوں پر آگئے اور حکومت کے خلاف نعرے بازی کی۔
گزشتہ کئی دنوں سے مہاراشٹر میں کورونا مریضوں کی تعداد بڑھتی جا رہی ہے جس کے سبب ریاستی حکومت نے ایم پی ایس سی امتحانات منسوخ کر دیئے۔
امتحانات منسوخ ہونے کے اعلان کے بعد اورنگ آباد سمیت ریاست بھر میں میں ایم پی اے سی مسابقتی امتحانات میں حصہ لینے والے طلباء نے احتجاج کیا۔
اورنگ آباد کے جیوتی باپُھلے چوک پر ایم پی ایس سی امتحان میں شریک ہونے والے سینکڑوں طلباء و طالبات نے راستہ روکو احتجاج کیا اور ریاستی حکومت کے خلاف نعرے بازی کی۔
واضح رہے کہ ایم پی ایس سی امتحان 14 مارچ کو منعقد ہونے والے تھے لیکن کورونا وائرس مریضوں کی تعداد میں اضافہ کے سبب امتحان منسوخ کر دیا ہے۔