ممبئی شہر و مضافات سمیت ریاست بھر میں یوم آزادی کے موقع پر تخریبی کارروائی کے خطرہ کے پیش نظر پولیس نے شہر میں ریڈ الرٹ جاری کردیا ہے۔
تمام سرکاری،غیر سرکاری اور اہم جگہوں پر سیکورٹی انتظامات سخت کر دئیے گئے ہیں اس کے علاوہ شاہراہوں پر ناکہ بندی میں بھی شدت پیدا کرنے کے احکامات ممبئی کے پولیس کمشنر پرم بیر سنگھ نے جاری کئے ہیں۔
سکھ فار جسٹس نامی دہشت گرد تنظیم کے لال قلعہ پر پرچم کشائی کےلیے انعام کے اعلان کے بعد ریاست اور ممبئی میں بھی حفظ ماتقدم کے طور پر سیکورٹی سخت کر دی گئی ہے، پہرہ بڑھا دیا گیا ہے۔ اعلی افسران کو الرٹ رہنے کے احکامات جاری کئے گئے ہیں۔