مہاراشٹر میں تعلیمی سال کا آغاز

مہاراشٹر میں نئے تعلیمی سال کا آغاز ہوچکا ہے اسکول کھل گئے لیکن نہ گھنٹی بجے گی اور نہ ہی طلبا اسکول آئیں گے کیوں کہ حکومت کی جانب سے جاری کردہ احکام کے مطابق تعلیمی اداروں میں صرف آن لائن تدریس پر عمل کیا جائے گا۔

مہاراشٹر میں نئے تعلیمی سال کا آغاز ہوچکا ہے، ریاستی حکومت کی جانب سے جاری کردہ اعلان کے مطابق شہری حدود میں واقع اسکولز کے اساتذہ کو اسکول میں صد فیصد حاضری لازمی ہے، جب کہ دیہی علاقوں کے اسکولز میں پچاس فیصد اساتذہ حاضر رہیں گے۔

مہاراشٹر میں تعلیمی سال کا آغاز

اسکول کے ذمہ داروں کو ماسک، سینیٹائزر اور جسمانی فاصلے کا خیال رکھنا ضروری ہوگا، تاہم تعلیم آن لائن ہی دی جائے گی۔

اسکول کے ذمہ دارو ں کا کہنا ہے کہ حکومت کی ہدایات کے مطابق آج سے باضابطہ آن لائن تعلیم کا سلسلہ شروع کردیا گیا ہے، لیکن پہلا دن ہونے کی وجہ سے طلباء کی آن لائن حاضری کم رہی تاہم گزرتے وقت کے ساتھ اس میں اضافہ ہوگا۔