مالیگاؤں شہر کے ایوبی ٹکہ مسالہ پر خاص رپورٹ

مسلمانوں کا دوسرا سب سے بڑا تہوار عیدالاضحیٰ سر پر ہے اور اس کی تیاریاں بھی زور و شور سے جاری ہیں اس موقع پر بازاروں میں مسالوں کی مانگ بہت زیادہ بڑھ جاتی ہے ایسی ہی ایک چیز ہے جس کو ٹکہ مسالہ کہا جاتا ہے، گوشت میں اسکو لگاکر تیل میں فرائی کرکے نوش کیا جاتا ہے.

عید الاضحٰی کے موقع پر ریاست مہاراشٹر کے شہر مالیگاؤں میں ٹکہ مسالہ تقریباً ہر گھر میں موجود ہوتا ہے حالانکہ شہر میں ایوبی ٹکہ مسالہ کو خاص اہمیت حاصل ہے کیونکہ شہر کے سب سے پرانے ریسٹورنٹ میں سے ایک ایوبی عالیشان کے ذمہ داران نے ہی مالیگاؤں شہر میں اسے متعارف کرایا تھا۔

ایوبی ڈیلکس کے ذمہ داران نے اس تعلق سے بتایا کہ اس مسالے کو بنانے میں ادرک، لہسن، نمک، کارن فلور اور دیگر چیزوں کا استعمال کیا جاتا ہے، اس مسالے کی دو قسم ہے ایک گیلا اور دوسرا سوکھا مسالہ۔

ayyubi tikka masala

اس مسالے کی خاص بات یہ ہے کہ یہ انتہائی سستا ہے اور 100 گرام پیکٹ کی قیمت صرف 15 روپیے ہے جو ایک کلو گوشت کے لیے کافی ہوتا ہے۔ اس کے علاوہ گوشت کو اس مسالے کے ساتھ تھوڑی دیر لپیٹ کرکے رکھنا ہوتا ہے اس کے بعد تیل میں فرائی کرکے دسترخوان پر سجانے کے لیے ٹکہ تیار ہوجاتا ہے۔

ayyubi tikka masala

اس ٹکہ مسالہ کے ساتھ دیگر کسی بھی چیز کو ملانے کی ضرورت نہیں ہوتی ہے لیکن اگر پکانے والا چاہے تو اپنے ذائقے کے لحاظ سے چیزیں شامل کرسکتا ہے۔