ذرائع نے انکشاف کیا کہ آئی ٹی ڈپارٹمنٹ نے سونو کی جائیداد کا سروے کیا کیونکہ سونو سود کی اکاؤنٹس بک میں مبینہ چھیڑ چھاڑ کی گئی ہے۔
اطلاعات کے مطابق آئی ٹی ڈیپارٹمنٹ نے سونو اور ان کی کمپنیوں کے تعلق سے چھ مقامات کا سروے کیا ہے۔
انہوں نے بتایا کہ تفتیش کی یہ کارروائی ممبئی اور لکھنؤ کے کم از کم نصف درجن مقامات پر کی گئی۔ یہ ابھی تک واضح نہیں ہے کہ آیا محکمۂ انکم ٹیکس کے افسران بھی سونو سود کی رہائش گاہ پر پہنچے ہیں۔
ذرائع نے بتایا کہ جائیداد کی خریداری محکمہ انکم ٹیکس کی نظر میں ہے۔
قابل ذکر بات یہ ہے کہ اداکار سونو سود گزشتہ سال کووڈ 19 کی وجہ سے نافذ ملک گیر لاک ڈاؤن میں مہاجر مزدوروں کو ان کے گھروں تک پہنچنے میں مدد دے کر قومی سطح پر سُرخیوں میں آئے تھے اور تب سے ہی وہ لوگوں کی مسلسل مدد کررہے ہیں۔
واضح رہے کہ اروند کیجریوال کی قیادت والی دہلی حکومت نے حال ہی میں 'دیش کا مینٹر' پروگرام کے تحت 48 سالہ سونو سود کو عام آدمی پارٹی حکومت کا برانڈ ایمبیسڈر بنانے کا اعلان کیا ہے۔ اس پروگرام کے تحت طلباء کو ان کے کیریئر کے حوالے سے رہنمائی دی جائے گی۔