گھریلو پرواز کے لیے چھ سیٹر جہاز تیار

گزشتہ تین برسوں سے میک ان انڈیا مشن کے زیر اہتمام بنائے جانے والے جہاز، پوری طرح سے مکمل ہوگیا ہے۔ اس کارنامے کو انجام دینے والے کیپٹن امول یادو ہیں۔

کیپٹن امول یادو برسوں سے اس خواب کو پورا کرنے کی کوشش کر رہے تھے، لیکن مالی امداد نہ ملنے کی سبب اسے پورا کرنے میں کافی وقت لگ گیا۔

اس کا نام ٹی اے سی 003 ہے، جسے باالخصوص گھریلو پرواز کے لئے بنایا گیا ہے۔

کیپٹن امول یادو کہتے ہیں کہ، 'انہیں اب تک ریاستی حکومت یا مرکزی حکومت سے کسی طرح کی امداد نہیں ملی۔ جس کی وجہ سے اس کام کو پورا کرنے میں دقتوں کا سامنا کرنا پڑا۔'

یہ جہاز 6 سیٹر ہے، اگر حکومت اس کے لیے مالی امداد کرتی ہے تو یقیناً ملک کے لیے خاص کر گھریلو پروازوں کے لیے بہتر ثابت ہوگا۔

امول کے مطابق بھارتی حکومت دوسرے ممالک سے ایک جہاز کے لئے جتنی رقم خرچ کرتی ہے، وہ ایک جہاز کی رقم میں اس طرح کے 100 جہاز بنا سکتے ہیں، وہ بھی میک ان انڈیا کے زیر اہتمام۔