Langar For Jjtema تبلیغی اجتماع میں سکھوں کی جانب سے لنگر کا اہتمام

اورنگ آباد کے پٹن تعلقہ کے چیتے گاؤں میں دو روزہ تبلیغی اجتماع منعقد ہوا جس میں سکھ برداری کی جانب سے تبلیغی اجتماع میں آنے والے لوگوں کے لئے خصوصی لنگر کا اہتمام کیا گیا۔Sikh Community Organise Langar For Jjtema

اورنگ آباد:ریاست مہاراشٹر کے اورنگ آباد کے پٹن تعلقہ کے چیتے گاؤں میں دو روزہ تبلیغی اجتماع میں سکھ برادری نے اجتماع میں آنے والے لوگوں کے لیے لنگر کا انتظام کیا۔ Sikh Community Organize Langar For Ijtema

اندازے کے مطابق چار لاکھ سے زائد مندوبین نے اورنگ آباد تبلیغی اجتماع میں شرکت کی۔ اس موقع پر آپسی بھائی چارے کی عمدہ مثال اس وقت دیکھنے کو ملی جب سکھ برادری نے اجتماع میں شرکت کرنے والوں کے لئے لنگر کا اہتمام کیا۔ اجتماع گاہ سے تین کلو میٹر فاصلے پر واقع پنجابی جنکشن نامی دھابے کے مالک نے اپنا پورا ڈھابہ اجتماع کے مہمانوں کے لئے کھول دیا تھا۔ اتنا ہی نہیں لویا فیملی نے اجتماع میں پہنچنے والے مسافروں کی پوہے، چائے اور ناشتے سے ضیافت کی۔ اس کار خیر میں لویا فیملی کا پورا خاندان شامل تھا۔ اس کے علاوہ ان کے ملازمین اور پڑوسی بھی ان کی مدد کررہے تھے، مقامی مسلمان بھی ان کے ساتھ اجتماع کے مہمانوں کی خاطر داری میں مصروف ہو گئے تھے،

سکھ بھائیوں نے اپنی دیڑھ ایکڑ زمین بھی گاڑیوں کی مفت پارکنگ کے لئے مہیا کردی تھی، ان لوگوں کا کہنا ہے کہ پیسہ کمانے کے لئے تو زندگی پڑی ہے لیکن خدمت کا موقع بار بار نہیں ملتا۔ پچھلے تین دنوں میں ہزاروں افراد نے اس دھابے سے استفادہ حاصل کر چکے ہیں۔ سکھ فیملی کے سربراہ کا کہنا ہے کہ سیاست دان نفرت پھیلانے کا کام کرتے ہیں عوام تو ہمیشہ ایک دوسرے کے ساتھ کھڑے ہوتی ہے۔چیتے گاوں کے اجتماع سے آپسی بھائی چارے کا پیغام ان سکھ بھائیوں نے دیا ہے۔Sikh Community Organise Langar For Jjtema In Aurangabad Maharashtra