شیوسینا رہنما اور رکن پارلیمان سنجئے راوت نے کہا کہ 'جب لوگوں کو تالیاں بجانے کے لیے کہا گیا تو لوگ ڈھول بجا کر سڑکوں پر آئے۔'
سنجئے راوت نے ٹوئٹ کر کے وزیر اعظم پر سخت تنقید کی ہے جب انہیں تالیاں بجانے کو بتایا گیا تو لوگ سڑک پر آئے اور ڈھول بجایا۔
راوت نے یہ بھی کہا کہ 'وزیر اعظم کام کے بارے میں بات کریں اور لوگوں کے پیٹ کے بارے میں بات کریں۔'
واضح رہے کہ وزیر اعظم نریندر مودی نے آج ملک بھر میں پھیلتے کورونا وائرس کے تناظر میں وطن کی عوام کے ساتھ بات چیت کی۔ 'اتوار 5 اپریل کو کورونا بحران کو چیلنج کرتے ہوئے اسے روشنی کی طاقت دکھانا چاہتے ہیں۔ اس کے لیے 5 اپریل کو 130 کروڑ لوگ اپنی طاقت کا مظاہرہ کرتے ہوئے رات 9 بجے اپنے گھر کی تمام لائٹس بند کردیں۔ اپنے دروازے یا بالکنی میں آئیں اور موم بتی، چراغ یا موبائل کی ٹارچ سے 9 منٹ تک روشنی کریں۔