'بل کی حمایت سے کامن منیمم پروگرام کو کوئی فرق نہیں پڑے گا'

گزشتہ روز شیوسینا نے شہریت ترمیمی بل کے حق میں ووٹ دیا تھا جس پر این سی پی رہنما نواب ملک نے کہا ہے کہ ریاست میں 'مہا وکاس اگھاڑی' کے کامن منیمم پروگرام پر کوئی فرق نہیں پڑے گا۔

شہریت ترمیمی بل کو شیوسینا کے حمایت دینے پر این سی پی ترجمان نواب ملک کا کہنا ہے کہ اس بل سے ریاست کے کامن منیمم پروگرام (سی ایم پی) پر کوئی فرق نہیں پڑے گا۔

اس تعلق سے نواب ملک کا یہ بھی کہنا ہے کہ' شیوسینا کے نظریات مختلف ہیں جب کہ مہا وکاس اگھاڑی نے مہاراشٹر میں کامن منیمم پروگرام کے تحت اتحاد کیا ہے جسے کسی کے بھی مختلف نظریات کے سبب متاثر نہیں کیا جاسکے گا۔

انھوں نے یہ بھی کہا کہ عوام کو یہ سمجھنا ہوگا کہ ہر پارٹی کے مختلف نظریات ہیں لیکن سب مہاراشٹر کے مفاد کے لیے سب مل کر کام کریں گے۔

واضح رہے کہ کامن منیمم پروگرام (سی ایم پی) کے تحت مہا وکاس اگھاڑی نے وعدہ کیا ہے کہ کسانوں کو قرض کے لیے 100 فیصد رعایت دی جائے گی، اور ریاست کی تمام ملازمتوں پر 80 فیصد ریاست کے ہی 80 فیصد امیدواروں کو ترجیح دی جائے گی اس کے علاوہ بھی اس پروگرام کے تحت ریاست مفاد کے کئی وعدے کیے گئے ہیں۔