مولانا آزاد کی شخصیت پر یک روزہ سیمینار

مجاہد آزادی مولانا ابوالکلام آزاد کی برسی پر مہاراشٹر کے شہر اورنگ آباد میں واقع مولانا ابوالکلام آزاد ریسرچ سینٹر میں یک روزہ قومی سیمینار منعقد ہوا۔

ملک کے پہلے وزیر تعلیم مولانا آزاد کی برسی کے موقع پر منعقد سیمینار میں ان کی زندگی اور تعلیمات کے بارے میں بتایا گیا۔

سیمینار میں شریک ڈاکٹر محمود صدیقی نے کہا کہ 'مولانا ابوالکلام آزاد کی زندگی ہندو مسلم اتحاد کے لیے وقف تھی۔ تقسیم وطن کو ہر بڑے لیڈر نے تسلیم کیا لیکن مولانا ابوالکلام آزاد ہمیشہ اس کے خلاف رہے۔'

مولانا آزاد ریسرچ سینٹر میں ہوئے اس سیمینار میں ملک کی مختلف ریاستوں سے ریسرچ اسکالرز اور دانشوروں نے شرکت کی۔ سیمینار میں تقریباً پچاس سے زائد سہ لسانی مقالے پڑھے گئے۔

مقررین نے اس بات پر زور دیا کہ موجودہ دور میں مولانا ابوالکلام آزاد کی تعلیمات پر عمل کرنا ضروری ہے اسی میں ملک و قوم کی بھلائی مضمر ہے۔