ادھو ٹھاکرے نے اعلان کیا ہے کہ 14 اپریل کی رات آٹھ بجے سے مہاراشٹر میں سخت پابندیاں عائد کردی جائیں گی اور کورونا وائرس کے خاتمے کے لیے' بریک دی چین' شروع ہوگی۔
ادھو ٹھاکرے نے کہا کہ مہاراشٹر میں لازمی خدمات کے علاوہ تمام خدمات پر پابندی عائد کر دی گئی ہے کیونکہ کورونا وائرس کی وجہ سے ریاست کی صورتحال خراب ہوتی جا رہی ہے۔
انہوں نے کہا کہ صرف 15 دنوں تک ضروری خدمات جاری رہیں گی اور بلا وجہ گھر سے نکلنے اور کسی بھی طرح کے سفر پر پابندی رہے گی۔
اس کے علاوہ ادھو ٹھارے نے کہا کہ 12 لاکھ مزدوروں کو 1500 روپے فی نفر کی مالی امداد دی جائے گی۔ انہوں نے کہا کہ رکشہ چلانے والوں کو بھی 1500 روپے فراہم کیے جائیں گے۔ اس کے علاوہ آدیواسیوں کو 2000 روپے کی مالی امداد دی جائے گی۔
انہوں نے کہا کہ 'ہم نے کووڈ-19 سے متعلقہ سہولیات کے لیے 3 ہزار 3 سو کروڑ روپے الگ کر رکھے ہیں تاکہ ہر مریض کا بروقت علاج کیا جاسکے'۔
ادھو ٹھاکرے نے کہا کہ حکومت نے ساڑھے پانچ ہزار کروڑ کی مالی امداد کا پیکیج تیار کیا ہے۔ اور یہ پیکج ریاست کی عوام کو کورونا سے بچانے کے لیے کافی ہے۔
