SC on Real Shiv Sena مہاراشٹر سیاسی بحران پر سُپریم کورٹ میں سماعت ملتوی

سُپریم کورٹ نے مہاراشٹر میں شیوسینا پارٹی کے اصلی حقدار کے تعلق سے سماعت 27 ستمبر تک ملتوی کردی ہے۔ Decision on Real Shiv Sena Group

نئی دہلی: مہاراشٹر میں اصلی شیوسینا سے متعلق معاملہ میں سُپریم کورٹ 27 ستمبر کو فیصلہ کرے گی، سپریم کورٹ کا کہنا ہے کہ وہ 27 ستمبر کو اس بات پر غور کرے گا کہ آیا الیکشن کمیشن کو یہ فیصلہ کرنے کے لیے آگے بڑھنا چاہیے کہ شیو سینا کے ادھو ٹھاکرے اور ایکناتھ شندے کے درمیان کون سے گروپ کو 'حقیقی' شیو سینا پارٹی تسلیم کیا جائے اور شیوسینا پارٹی کا انتخابی نشان 'تیر کمان' کس گروپ کو الاٹ کیا جائے۔ Hearing on Real Shiv Sena Group in Supreme Court

واضح رہے کہ شیوسینا کے انتخابی نشان پر سُپریم کورٹ میں سماعت جاری ہے۔ مہاراشٹر کے سابق وزیر اعلیٰ ادھو ٹھاکرے کی زیر قیادت شیو سینا نے سپریم کورٹ میں عرضی دائر کرکے وزیر اعلی ایکناتھ شندے اور پارٹی کے دیگر رہنماؤں کی جانب سے انہیں 'اصل' شیوسینا تسلیم کرنے کی درخواست پر الیکشن کمیشن کی کارروائی پر روک لگانے کی درخواست کی ہے۔ سپریم کورٹ میں دائر درخواست میں کہا گیا ہے کہ ایکناتھ شندے اور دیگر نے مبینہ طور پر انتخابی نشان (ریزرویشن اور الاٹمنٹ) آرڈر، 1968 (سبل آرڈر) کے پیرا 15 کے تحت 'اصلی شیوسینا' کے طور پر تسلیم کرنے کی الیکشن کمیشن سے مطالبہ کیا ہے۔ ایکناتھ شندے کیمپ شیوسینا کو الاٹ کردہ انتخابی نشان 'تیر' کے استعمال کے حق کا دعویٰ کر رہا ہے۔