'اصولوں پر جہاں آنچ آئے ٹکرانا ضروری ہے'

مہاراشٹر میں حکومت سازی کے لیے شیوسینا اور بھارتیہ جنتا پارٹی کے درمیان جاری سیاسی رسہ کشی کے درمیان شیوسینا کے رکن پارلیمان سنجے راؤت نے ایک بار پھر بی جے پی سخت نکتہ چینی کی ہے۔

ریاست میں اقتدار میں 50 ۔ 50 فارمولے پر عمل آوری کو یقینی بنانے کے لیے سنجے راؤت کوئی کسر باقی نہیں رکھنا چاہتے ہیں۔

سنجے راؤت نے اپنے ٹویٹر ہینڈل پر معروف شاعر وسیم بریلوی کے شعر کو شیئر کیا ہے جس کے ذریعے شیوسینا نے اپنی موجودگی ظاہر کرتے ہوئے بی جے پی پر نکتہ چینی کی ہے۔

شیوسینا کے رکن پارلیمان سنجے راؤت ٹوئٹ

انہوں نے ہندی میں ٹویٹ کیا ہے کہ ''اصولوں پر جہاں آنچ آئے، ٹکرانا ضروری ہے۔ جو زندہ ہو تو پھر زندہ نظر آنا ضروری ہے۔''

دریں اثناء راؤت، پارٹی کے اعلیٰ رہنماؤں کے ساتھ آج سہ پہر پانچ بجے گورنر بھگت سنگھ کوشیاری سے ملاقات کریں گے۔