مہاراشٹر حکومت پر سنجے نروپم کی تنقید

کانگریس پارٹی کے سینیئر رہنما سنجے نروپم نے کہا کہ مہاراشٹر میں بی جے پی کے تقریباً 18 وزراء پر بدعنوانی کے الزامات عائد کیے گئے ہیں۔

انہوں نے کہا کہ ریاست کے وزیراعلیٰ دیویندر فڑنویس بہت ہی کمال کے آدمی ہیں چونکہ ان کے وزراء پر صبح میں بدعنوانی کے الزامات عائد کیے جاتے ہیں اور شام میں انہیں وزیراعلیٰ کلین چٹ دے دیتے ہیں۔

انہوں نے کہا کہ ریاستی وزیر کامبلے پر بدعنوانی کے الزامات عائد کرنے سے لوگ تعجب نہیں کریں گے چونکہ اس حکومت کے کئی وزراء پر بدعنوانی کے الزامات عائد کیے گئے ہیں۔ حتیٰ کہ وزیراعلیٰ پر بھی بدعنوانی کے الزامات عائد کیے گئے ہیں۔