بالی وڈ اداکار انتخابات میں حصہ نہیں لیں گے

ایسی خبریں تھیں کہ سنجے دت اترپردیش کے غازی آباد ضلع سے لوک سبھا انتخابات میں حصہ لیں گے۔

بالی وڈ کے مشہور اداکار سنجے دت لوک سبھا انتخابات میں کھڑے نہیں ہوں گے۔

انہوں نے خود اس خبر کی تردید کی ہے۔ اور بتایا ہے کہ وہ کسی بھی سیٹ سے الیکشن نہیں لڑ رہے ہیں۔

سنجے دت نے اپنے ٹویٹر اکاؤنٹ پر لکھا ہے،’’لوک سبھا الیکشن میں میرے کھڑے ہونے کی خبریں جھوٹی ہیں۔

میں اپنے ملک کے ساتھ کھڑا ہوں اور اپنی بہن پریا دت کی حمایت کر رہا ہوں۔میں سبھی سے درخواست کرتا ہوں کہ وہ زیادہ سے زیادہ تعداد میں ووٹ ڈالنے جائیں۔‘‘