راج ٹھاکرے کے خلاف دوبارہ غیرضمانتی وارنٹ جاری

مہاراشٹر نونرمان سینا کے سربراہ راج ٹھاکرے کے خلاف سانگلی کی شرالہ عدالت نے دوبارہ غیر ضمانتی وارنٹ جاری کر دیئے ہیں۔ معاملہ سنہ 2008 میں ایک احتجاج کا ہے۔ Non Bailable Warrant Against Raj Thackeray

سانگلی، مہاراشٹر: ایم این ایس سربراہ راج ٹھاکرے کو شِرالہ عدالت نے غیر ضمانتی وارنٹ جاری کیا ہے۔ شِرالا کورٹ نے پہلے وارنٹ جاری کرنے کے باوجود عدالت میں پیش نہ ہونے پر راج ٹھاکرے کے خلاف دوبارہ غیر ضمانتی وارنٹ جاری کیا ہے، انہوں نے مزید کہا کہ اگلی سماعت 11 جولائی کو ہوگی۔ Shirala Court Reissues Non Bailable Warrant Against Raj Thackeray

اس معاملے میں راج ٹھاکرے کی جانب سے ایم این ایس لیڈر شریش پارکر پیش ہوئے جس کی وجہ سے عدالت نے ان کے غیر ضمانتی وارنٹ کو منسوخ کردیا تھا لیکن اب دوبارہ وارنٹ جاری کیا گیا ہے۔ واضح رہے کہ 2008 میں مہاراشٹر نونرمان سینا نے ریلوے میں بھرتی کو لے کر ایک احتجاج کیا تھا۔ شِرالا تعلقہ کے شیڈگے واڑی میں ایم این ایس کے ضلع صدر تاناجی ساونت کی قیادت میں شِرالہ میں احتجاج ہوا جس کے بعد ایم این ایس لیڈر راج ٹھاکرے، ضلع صدر تانا جی ساونت، ایم این ایس لیڈر شریش پارکر اور دیگر ایم این ایس کارکنوں کے خلاف شِرالہ پولیس اسٹیشن میں مقدمہ درج کیا گیا تھا۔ یہ کیس شِرالہ سیشن کورٹ میں زیر سماعت ہے۔

دریں اثنا ایم این ایس لیڈر راج ٹھاکرے، شریش پارکر اور دیگر کارکنوں کو عدالت کی طرف سے دی گئی تاریخ پر بار بار غیر حاضری کے سلسلے میں پہلے ہی غیر ضمانتی وارنٹ جاری کیے گئے تھے اس کے بعد بھی راج ٹھاکرے غیر حاضر رہے، اس لیے عدالت نے ایک بار پھر راج ٹھاکرے کے غیر ضمانتی وارنٹ جاری کیا ہے۔