ممبئی کے قریب واقع پانویل میں بالی ووڈ کے سوپر اسٹار سلمان خان کا فارم ہاوز واقع ہے جہاں طوفان نسرگا نے تباہی مچائی ہے۔
سلمان خان لاک ڈاون کے دوران لولیا وانٹور، بہن ارپیتا، دیگر ارکان خاندان کے علاوہ جیکولین فرنانڈیز کے ساتھ اسی فارم ہاوز میں وقت گذار رہے تھے جبکہ طوفان نسرگا کی وجہ سے فارم ہاوز کو نقصان پہنچا ہے۔
ایلیا نے انسٹاگرام پر چند تصاویر کو شیئر کیا جن میں زمین پر گرے درخت دیکھے جاسکتے ہیں۔ انہوں نے تصاویر کو ’طوفان کے بعد‘ کے عنوان سے شیئر کیا ہے۔
انہوں نے بعد میں صاف آسمان کی تصاویر بھی شیئر کی جس میں لکھا ہے کہ ’زندگی چلتی رہتی ہے۔۔۔ سورج نے واپس آکر ہمیں بچالیا‘۔
ایلیا نے ایک دلچسپ ویڈیو بھی شیئر کیا جس میں طوفان کی وجہ سے ایک بچھوں درخت سےنیچے گرجاتا ہے۔۔ اس ویڈیوں میں سلمان خان تو دکھائی نہیں دیئے لیکن پس منظر میں ان کی آواز کو صاف سناجاسکتا ہے۔
