کامیابی: لوٹ مار گینگ کے چھ افراد گرفتار

ریاست مہاراشٹر کے اورنگ آباد شہر میں رات کے وقت موٹر سائیکل سے لوٹ مار کرنے والے چھ لٹیرے پولیس کی گرفت میں۔

اورنگ آباد شہر کے مضافاتی علاقوں میں رات کے وقت لوٹ مار کرنے والے لٹیرے پولیس کے ہتھے چڑھ گئے ہیں۔

پولیس کے مطابق ملزمین موٹر سائیکل کی مدد سے راہ گیروں کو نشانہ بناتے تھے اور نقد رقم ،زیورات، موبائل فون اور دیگر سامان لوٹ کر فرار ہوجاتے تھے۔ پولیس کافی عرصے سے ان کی تلاش میں تھی۔

ملزمین کے قبضے سے ایک لاکھ روپئے نقد ، اور دیگر سامان ضبط کیا گیا ہے۔ چھ ملزمین پولیس کی گرفت میں آئیں ہیں ان میں دو چین اسنیچر بھی شامل ہے۔

یہ کاروائی 'پنڈلک نگر کے ڈی بی اسکواڈ' نے انجام دیا ہے۔

پولیس کا کہنا ہیکہ ملزمین کی گرفتاری سے مزید معاملات اجاگر ہوسکتے ہیں ۔