مہاراشٹر: سڑک حادثے میں پانچ افراد زخمی

ممبئی کے جوگیشوری میں ایک سڑک حادثے میں پانچ افراد زخمی ہوگئے۔

ممبئی کے جوگیشوری ویسٹرن ایکسپریس ہائی وے پر ایک ووکس ویگن کار حادثے کا شکار ہوگئی۔تیز رفتار کی وجہ سے یہ حادثہ ہوا۔

کار بوریولی سے باندرہ جارہی تھی، ڈرائیور تیزرفتاری کی وجہ سے کار پر قابو نہیں رکھ سکا اور کار ڈیوائیڈر سے ٹکراکر ایک بس کے اندر گھس گئی۔

ڈرائیور 80 تا 100 کی اسپیڈ سے کار چلارہا تھا،اور وہ شراب کے نشے میں بھی تھا۔

کار میں 4 تا 5 افراد سوار تھے، انہیں مقامی لوگوں نے کار سے باہر نکالا۔بعد میں انہیں جوگیشوری پولیس نے اپنی کسٹڈی میں لے لیا ہے۔