سشانت سنگھ راجپوت موت معاملہ میں منشیات کا لنک جڑنے کے بعد گذشتہ روز ریا چکرورتی سے 8 گھنٹے طویل پوچھ تاچھ کی گئی تھی۔ نارکوٹکس کنٹرول بیورو کے کم از کم دو ٹیموں نے منشیات کے سلسلہ میں مختلف پہلوؤ پر اداکارہ سے پوچھ گچھ کی۔
ذرائع کے مطابق ریا چکرورتی نے این سی بی کے عہدیداروں کو بتایا کہ وہ سمول میرانڈا کو جانتی ہے جس نے 17 مارچ کو زید سے ڈرگ خریدا تھا۔
اس کے علاوہ ریا چکرورتی نے یہ بھی اعتراف کرلیا ہے کہ اپنے بھائی شوک چکرورتی کے ساتھ وہ بھی منشیات فروش زید سے رابطہ میں تھیں۔
گذشتہ اتوار کو ریا چکرورتی پہلی بار این سی بی کے روبرو پیش ہوئی تھیں جبکہ اس روز چھ گھنٹوں تک اداکارہ سے منشیات سے متعلق الزامات کے سلسلہ میں پوچھ گچھ کی گی تھی۔
واضح رہے کہ ریا کے بھائی شوک چکرورتی، سشانت کے منیجر سیموئل مرانڈا اور گھریلو ملازم دیش ساونت کو منشیات کی خریداری کے الزام میں گرفتار کیا گیا تھا جس کے بعد انہیں 9 ستمبر تک نارکوٹکس کنٹرول بیورو کی تحویل میں بھیج دیا گیا تھا، توقع ہے کہ بہت جلد ان تمام کو عدالت میں پیش کیا جائے گا۔
