ریمڈیسیویر انجیکشن چوری، 3 گرفتار

شہر کے ایک نجی ہسپتال حمیدیہ میں گذشتہ کئی دنوں سے ریمڈیسیویر انجکشن کی تلاش جاری تھی۔ تفتیش کا دائرہ بڑھا تو پتہ چلا کہ اندور کے پرائیویٹ ہسپتال سے بھی 139 انجکشن غائب ہیں۔

ایف آئی آر درج ہونے کے بعد پولیس نے منگل کی دیر شب دواخانہ کے کارندوں کو حراست میں لے لیا ہے۔ گروہ میں شامل چار دیگر مشتبہ کارکنان کی تلاش جاری ہے۔

توکو گنج تھانہ انچارج کملیش شرما کے مطابق اچل پورہ ضلع واقع بھنڈ کے رہنے والے انوپ کی شکایت پر ہسپتال کے فارمیسی کارکنان بھوپیندر شیلی وال کے خلاف چوری کا مقدمہ درج کیا ہے۔ درخواست گزار انوپ نے پولیس کو بتایا کہ ملزم ہسپتال کے شعبہ ادویات میں ملازمت کرتے تھے۔

انہوں نے ساتھیوں کے ساتھ 139 ریمڈیسیویر انجیکشن چوری کر کے فروخت کر دیا۔ چوری کئے گئے انجیکشن کی قیمت تقریباً 1لاکھ 76ہزار 582روپے بتائی جا رہی ہے۔

پولیس کے مطابق اس واقعہ کو انجام دینے میں بھوپیندر کے ساتھ چار دیگر ساتھی بھی شامل ہو سکتے ہیں۔ یہ مشتبہ بھی فارمیسی شعبہ میں ہی ملازمت کرتے ہیں۔ پولیس وہاں سے ریکارڈ، فوٹیج اور ڈیوٹی چارج طلب کر کے تفتیش کر رہی ہے۔