'کسانوں کے احتجاج کے پیچھے پاکستان اور چین کا ہاتھ'

بی جے پی کے سینئر رہنما و مرکزی وزیر راؤ صاحب دانوے نے مہاراشٹر کے ضلع جالنہ کے تكلی کولتے گاؤں میں کسانوں سے متعلق ایک بیان دیا ہے۔

مرکزی وزیر راؤ صاحب دانوے نے کہا ہے کہ دہلی میں جو کسان احتجاج چل رہا ہے۔ اس کے پیچھے چین اور پاکستان کا ہاتھ ہے۔ کسانوں کو اس بارے میں سوچنا چاہیے۔

راؤصاحب دانوے نے کہا کہ کسانوں کے احتجاج کے پیچھے چین اور پاکستان کا ہاتھ ہے۔ انہی ممالک نے سی اے اے کے نام پر مسلمانوں کو بھڑکایا تھا۔ لیکن ایک بھی مسلمان دوسرے ممالک نہیں گیا۔ اور یہ لوگ اپنے مقصد میں ناکام ہوگئے۔ پھر اب یہ کسانوں کو گمراہ کر رہے ہیں۔اس سے متعلق کسانوں کو سوچنا چاہیے ۔

راؤصاحب دانوے جالنہ کے تكلی کولتے گاؤں میں ایک پرائمری ہیلتھ سنٹر کے افتتاح کے موقع پر خطاب کررہے تھے۔

اب دیکھنا یہ ہے کہ راؤصاحب دانوے کے بیان پر اپوزیشن کا کیا رد عمل ہوگا۔

آج کسان تحریک کا 14 واں دن ہے۔ لیکن کسانوں سے ملاقات میں وزیر داخلہ امت شاہ نے یہ بات واضح کردی کہ زرعی قوانین کو کسی بھی حالت میں واپس نہیں لیا جائے گا۔لیکن ایم ایس پی معاملات پر نیا بل لایا جائے گا۔