اروند ساونت کا استعفی منظور

صدر رام ناتھ كووند نے بھاری صنعت کے مرکزی وزیر اروند گنپت ساونت کا استعفی منظور کر لیا ہے۔

كووند نے وزیر اعظم نریندر مودی کی سفارش پر ساونت کا استعفی منظور کیا۔ انہوں نے مہاراشٹر میں بھارتیہ جنتا پارٹی کے ساتھ تعلقات خراب ہونے کے بعد پیر کے روز اپنے عہدے سے استعفی دے دیا تھا۔

راشٹرپتی بھون سے جاری ریلیز کے مطابق اطلاعات و نشریات کے وزیر پرکاش جاوڈیکر کو صدر نے ساونت کی وزارت کا اضافی عہدہ سنبھالنے کی بھی ہدایت دی ہے۔