خواتین کی بچہ دانی نکالنے کا معاملہ راجیہ سبھا میں اٹھایا گیا

ریاست مہاراشٹر کے ویڈ ضلع میں گنا کے کھیتوں میں کام کرنے والی خواتین مزدوروں کی بچہ دانی نکالنے کا معاملہ راجیہ سبھا میں اٹھایا گیا اور اس معاملے پر سنجیدگی سے غور کرنے اپیل کی گئی۔

نیشنلسٹ کانگریس پارٹی کی وندنا چوہان نے وقفہ صفر کے دوران اس معاملے کو اٹھاتے ہوئے کہا کہ 'خواتین اور بچوں کے تئیں تشدد میں روز بہ روز اضافہ ہو رہا ہے اور نئے نئے طریقہ کا تشدد سامنے آ رہا ہے۔ اسی سلسلے میں ویڈ میں گنا کے کھیتوں میں کام کرنے والی مزدوروں کی بچہ دانی نکالنے کا معاملہ بھی روشنی میں آیا ہے جو نہایت سنگین معاملہ ہے۔

انہوں نے کہا کہ 20 سے 30 برس کی عمر کی خواتین مزدوروں کے ساتھ اس طرح کے واقعات ہوئے ہیں جنہیں ٹھیکیداروں نے انجام دیا ہے۔