اورنگ آباد: فرانس کے خلاف احتجاجی مظاہرہ

پیغمبر اسلامﷺ کی شان میں گستاخی کے خلاف پوری دنیا کے مسلمانوں میں غم و غصے کی لہر ہے اور عالمی سطح پر فرانس کے خلاف احتجاج کیا جارہا ہے۔

مہاراشٹر کے شہر اورنگ آباد میں امام کونسل آف انڈیا کے بینر تلے ضلع کلکٹر دفتر کے باہر فرانس کے خلاف احتجاج کرکے فرانسیسی مصنوعات کے بائیکاٹ کی اپیل کی گئی

اسی کے ساتھ فرانس کے صدر سے بین الاقوامی پلیٹ فارم پر مسلمانوں سے معافی مانگنے پر بھی مطالبہ کیا۔

فرانس کے صدر کی جانب پیغمبر اسلام کی شان میں گستاخی کے خلاف مسلمانوں کی برہمی میں اضافہ ہو رہا ہے اور ملک کے مختلف حصوں میں لوگ سڑکوں پر اتر کر فرانس کے خلاف احتجاج کر رہے ہیں۔

فرانس کے خلاف احتجاج

اس موقع پر حکومت فرانس کے خلاف زبردست نعرے بازی کی گئی اور پیغمبر اسلامﷺ کی شان میں گستاخی کرنے والوں کے مکمل بائیکاٹ پر زور دیا گیا

مظاہرین نے اپنے ہاتھوں میں پلے کارڈ اور پرچم لہرا کر فرانس حکومت کے اقدام کی مذمت کی اسی طرح مظاہرین نے حکومت ہند کی پالیسیوں کو اقلیت مخالف پالیسی سے تعبیر کیا۔

فرانس کے خلاف احتجاج

مظاہرین کا کہنا ہے کہ جب تک فرانس کے صدر بین الاقوامی سطح پر معافی نہیں مانگیں گے اس وقت تک ان کے خلاف تحریک جاری رہے گی۔