اورنگ آباد: لوک وکاس پریشد کا تریپورہ تشدد کے خلاف احتجاج

اورنگ آباد میں لوک وکاس پریشد نے مرکزی حکومت اور تریپورہ کی بی جے پی حکومت کے خلاف نعرے بازی کی۔

ریاست مہاراشٹر کے شہر اورنگ آباد میں لوک وکاس پریشد کی جانب سے ڈیویژنل کمشنر آفس کے روبرو احتجاجی دھرنا دیا گیا۔

احتجاج کے دوران تریپورہ میں تشدد کی ذمہ دار بجرنگ دل اور وی ایچ پی پر پابندی کا مطالبہ کیا گیا۔

احتجاجیوں نے کہا کہ 'وزیر داخلہ امت شاہ کو اپنے عہدے سے استعفی دے دینا چاہیے۔ ساتھ ہی شرپسندوں کا ساتھ دینے والی پولیس کے خلاف بھی کارروائی کا مطالبہ کیا گیا۔

اس موقع پر مظاہرین نے مرکزی حکومت اور تریپورہ کی بی جے پی حکومت کے خلاف نعرے بازی کی۔

پریشد کی جانب سے صدر جمہوریہ کے نام ایک میمورنڈم پیش کیا گیا۔ جس میں تریپورہ پولیس کے خلاف سخت کارروائی کا مطالبہ کیا گیا ہے۔