سادھوی پرگیہ سنگھ کے خلاف احتجاج

ریاست مہاراشٹر کے دارالحکومت ممبئی سے متصل ممبرا پولیس اسٹیشن کے سامنے مختلف سماجی تنظیموں نے شہید ہیمنت کرکرے کو خراج پیش کیا۔

مسلم اکثریتی شہر ممبرا میں ملیگاؤں دھماکہ کی ملزمہ سادھوی پرگیہ سنگھ ٹھاکر کے ذریعہ شہید ہیمنت کرکرے کے خلاف نازیبا کلمات کے استعمال کرنے اور مدھیہ پردیش کے بھوپال پارلیمانی نشست سے بی جے پی کی امیدوار بنائے جانے کے خلاف پورے ملک میں شدید غم و غصہ کی لہر ہے۔

پورے ملک میں پرگیہ سنگھ ٹھاکر کے خلاف احتجاج اور مظاہروں کا دور چل پڑا ہے۔

ہیمنت کرکرے کو خراج عیقدت پیش کرتے ہوئے مظاہرین نے پرگیہ سنگھ ٹھاکر کے بیان کی سخت مذمت کی ۔بی جے پی کی جانب سے امیدوار بنائے جانے پر سخت برہمی کا اظہار بھی کیا ۔