سی اے اے کے خلاف مالیگاؤں میں زبردست احتجاجی ریلی

ریاست مہاراشٹر کے مسلم اکثریتی شہر مالیگاؤں میں آج تمام کاروبار بند ہے اور لوگ سڑکوں پر شہریت ترمیمی قانون کے خلاف زبردست مظاہرہ کر رہے ہیں۔

دستور ہند بچاو کمیٹی کی جانب سے مالیگاؤں کے تاریخی قلعہ سے ایک بڑے پیمانے پر احتجاجی جلوس کا انعقاد کیا گیا۔ جس میں لاکھوں کی تعداد میں لوگ شامل ہیں۔ یہ جلوس قلعہ، خیابان نشاط چوک، حسینی مسجد، خانقاہ اشرفیہ، مولانا آزاد روڈ، مشاورت چوک، محمد علی روڈ سے ہوتے ہوئے قدوائی روڈ پر شہیدوں کی یادگار پر ختم ہوگا۔

اس احتجاجی ریلی کی قیادت مولانا عمرین محفوظ رحمانی سکریٹری آل انڈیا مسلم پرسنل لاء بورڈ کر رہے ہیں۔ وہیں دوسرے جانب اس ریلی میں رکن اسمبلی مفتی محمد اسماعیل قاسمی بھی شریک ہے۔

اس ریلی میں بچے، بوڑھے اور نوجوانوں میں حکومت کے خلاف ناراضگی دیکھی دیکھی جاسکتی ہے۔ لوگ حکومت کے خلاف، این آر سی، سی اے اے اور دیگر قومی مسائل پر جم کر نعرے بازی کر رہے ہیں۔