'جیل سے آزادی مل گئی لیکن منزل کا پتا نہیں'

ریاست مہاراشٹر کے ضلع اورنگ آباد کی 'ہرسول جیل' سے ضمانت پر رہا ہوئے کچھ قیدی لاک ڈاوں کے سبب نقل و حمل بند ہونے سے در بدر بھٹک رہے ہیں۔

ضلع اورنگ آباد کی 'ہرسول جیل' سے چار قیدیوں کو ضمانت پر رہا کیا گیا ہے، چارو قیدی ضلع ناندیڑ کے رہنے والے ہیں جبکہ ان میں سے ایک قیدی کو اس کے رشتہ داروں نے گاڑی میں بیٹھا کر ناندیڑ لے گئے۔

وہیں ان میں سے تین قیدی ضلع میں مارے مارے پھر رہے ہیں، ان کا کوئی پرسان حال نہیں ہے، ان تینوں قیدیوں کو بھی ضلع ناندیڑ جانا ہے۔

لیکن کورونا وائرس کی وجہ سے ضلع کے تمام راستے بند ہیں جس کی وجہ سے ان قیدیوں کو کافی پریشانیوں کا سامنا کرنا پڑ رہا ہے۔

ان قیدیوں کا کہنا ہے کہ ہمیں جیل سے آزادی تو مل گئی ہے لیکن انکی منزل کب ملیں گے اس کا کوئی پتا نہیں۔