ممبئی: پرکاش امبیڈکر کی ادھو ٹھاکرے سے ملاقات

ونچت بہوجن اگھاڑی کے سربراہ ایڈوکیٹ پرکاش امبیڈکر اور شکشک بھارتی تنظیم کے رہنما کپل پاٹل نے آج وزیر اعلیٰ ادھو ٹھاکرے سے ملاقات کی۔

ایڈوکیٹ پرکاش امبیڈکر نے بتایا کہ 'ونچت بہوجن اگھاڑی کی طرف سے 26 دسمبر 2019 کو شہریت ترمیمی قانون اور این آر سی کے خلاف دادر میں احتجاج کیا جائے گا۔ ریاست کے وزیر اعلیٰ نے پُرامن طریقے سے احتجاج کرنے کی اپیل کی۔'

انہوں نے بتایا کہ 'جس طرح کی تشہیر بی جے پی اور آر ایس ایس کے ذریعے کی جا رہی ہے، وہ پوری طرح سے جھوٹ ہے۔'

انہوں نے کہا کہ 'آج بھی بے شمار لوگوں کے پاس برتھ سرٹیکفٹ نہیں ہے لیکن اگر یہ قانون نافذ کیا جاتا ہے تو پھر وہ کیا کریں گے؟ یہ سوال ہم نے وزیر اعلیٰ سے کیا ہے۔

اس کے ساتھ ہی ایڈوکیٹ پرکاش امبیڈکر نے بتایا کہ 'اس موقع پر وزیر اعلیٰ نے مجھ سے بھیما کوریگاؤں کی تفصیل مانگی لہذا آئندہ میٹنگ میں اس بارے میں جو تفصیلات میرے پاس آئے گی، وہ ہم وزیر اعلیٰ کو فراہم کریں گے۔'