Pradhan Mantri Sadak Yojana جالنہ میں روڈ نئی تکنیک سے بنایا جا رہا ہے، ٹھیکیدار

جالنہ میں پردھان منتری گرامین سڑک یوجنا میں پلاسٹک ڈال کر سڑک پر ڈامر بچھایا گیا تھا اور جب گاؤں کے لوگ کو پلاسٹک کو اٹھا رہے تھے اس وقت سڑک کا حصہ بھی نکلتا دکھائی دے رہا تھا جس کا ویڈیو سوشل میڈیا پر وائرل ہونے کے بعد ٹھیکیدار اور سرکاری انجینئر نے کہا کہ یہ کام نئے طریقے اور نئی تکنیک سے تعمیر کیا جا رہا ہے۔

جالنہ :ریاست مہاراشٹر کے جالنا ضلع میں پردھان منتری گرام سڑک یوجنا کا کام چل رہا تھا۔ اس دوران گاؤں والے سڑک کی تعمیری کام کی جگہ پہنچے اور نئی تعمیر شدہ سڑک کے کچھ حصوں کو اٹھایا۔ اس کے نیچے پولی تھین چادر لگی ہوئی تھی جس کا ویڈیو بھی اب سوشل میڈیا پر وائرل ہو رہا ہے اب سوال پیدا ہوا ہے کے سڑک غلط طریقے سے بنائی گئی ہے؟ اس کو جاننے کے لئے ای ٹی وی بھارت کی ٹیم نے سڑک بنانے والے ٹھیکیدار اور سرکاری انجینئر سے بات کی۔

جالنا ضلع میں پردھان منتری گرام سڑک یوجنا کے کام کا ویڈیو سوشل میڈیا پر وائرل ہونے کے بعد ٹھیکیدار نے بتایا کہ جو ویڈیو وائرل ہوا ہے۔ وہ دراصل غلط طریقے سے شیئر کیا جا رہا ہے۔ راستے کے تعمیری کام کو اصول کے مطابق ہم نے پہلے سڑک پر پولیتھین کی لیر بچھائی اور پھر اس پر کنکریٹ اور دیگر چیزیں ڈالی گئیں۔

انہوں نے کہا کہ اس سڑک کو سیٹ ہونے میں تقریباً 5 سے 6 گھنٹے لگتے ہیں لیکن گاؤں کے لوگ راستہ بنانے کی جگہ پر پہنچے اور کچھ ہی دیر میں لوگوں نے خراب راستہ سمجھ کر راستے کی لیر کو نکل کر اس کی ویڈیو بنا کر سوشل میڈیا پر وائرل کردی۔ کنٹریکٹر کا کہنا ہے کہ ہم نے اس سڑک کے اسپیسی فیکیشن کے مطابق بنایا ہے اور حکومت کے لوگوں نے اس کی تصدیق کی ہے۔

پردھان منتری گرام سڑک یوجنا اورنگ آباد محکمہ کے سپرنٹنڈنٹ ایس ایس بھگت نے بتایا کہ یہ کام جالنا ضلع میں پردھان منتری گرام سڑک یوجنا کے تحت منظور کیا گیا تھا۔ اس کام کو ریسرچ اینڈ ڈیولپمنٹ ٹیکنالوجی کے تحت منظوری دی گئی تھی اس سڑک کی لمبائی 9.5 کلومیٹر ہے جس میں سے 6 کلومیٹر تک کا کام ڈامر سے مکمل ہو چکا ہے۔

ساتھ ہی سپرنٹنڈنٹ نے کہا کہ میں نے ویڈیو بھی دیکھا ہوں اور اس میں یہ دیکھا گیا ہے کہ سی پی ٹی ٹیکنالوجی کا استعمال کرتے ہوئے ایک لیر کے اوپر ڈامر بچھایا گیا ہے۔ ویڈیو میں یہ بھی دکھایا گیا ہے سی پی ٹی ٹیکنالوجی میں ایک لیر کے اوپر ڈامر بچھایا جاتا ہے یعنی پرانی سڑک پر سیمنٹ کا پانی ڈالا جاتا ہے اور بعد میں اس کی سطح پر رولر چلا کر ایسے سخت بنایا جاتا ہے۔