انکاؤنٹر اسپیشلسٹ پردیپ شرما شیوسینا سے امیدوار

شیوسینا نے انکاؤنٹراسپیشلسٹ پردیپ شرما کو ممبئی کے نالا سوپارہ حلقے سے امیدوار نامزد کیا ہے۔

پردیپ شرما نے کہا کہ وہ سیاسی شدت پسندی کا مقابلہ کرنے کے لیے الیکشن لڑ رہے ہیں۔

ای بی فارم حاصل کرنے کے بعد شیوسینا امیدوار پردیپ شرما نے کہا کہ گذشتہ 30 برسوں سے ایک ہی خاندان نالاسوپارہ میں راج کررہا ہے۔ ہم سیاسی شدت پسندی کا مقابلہ کرنے کے لیے سیاست میں آئے ہیں۔

انہوں نے کہا کہ جب شیوسینا سربراہ ادھو ٹھاکرے نے مجھے فارم دیا تو میں پرجوش ہوگیا۔

انہوں نے ہتیندر ٹھاکر پر نکتہ چینی کرتے ہوئے کہا کہ انہیں میدان میں اترنا چاہیے۔ کیوں کہ ان کے میدان میں اترنے سے مقابلہ بڑا دلچسپ ہو گا۔