'پولیس کو بھی’مائی فیملی مائی ریسپانسبلیٹی‘مہم میں حصہ لینا چاہئے '

مہاراشٹر کے فوڈ اینڈ سول سپلائی اور ناسک ڈسٹرکٹ انچارج وزیر چھگن بھجبل نے کہا ہے کہ پولیس کو بھی ’مائی فیملی مائی ریسپانسبلیٹی‘ مہم کے تحت سروے ٹیم میں شامل کیا جانا چاہئے۔

بھجبل نے ہفتہ کی شام تحصیل یولا کے سرکاری ریسٹ ہاؤس میں جائزہ میٹنگ میں کہا کہ پولیس شادی اور دیگر تقاریب کے مقررہ ضابطوں کی خلاف ورزی کرنے والوں کے خلاف کارروائی کرنی چاہئے۔

چھگن بھجبل نے زور دے کر کہا کہ جانچ کی مخالفت کرنے والوں اور کسی بھی معلومات کو چھپانے والوں کے خلاف بھی کارروائی ضروری ہے۔

انہوں نے پرائیویٹ ڈاکٹرز کے ساتھ ہم آہنگی پر زور دیتے ہوئے کہا کہ سروے کا کام بند نہیں کیا جانا چاہئے۔

انہوں نے متعلقہ افسران کو روزانہ مریضوں کی معلومات اکٹھا کرنے کے احکامات دیئے۔

انہوں نے کہا کہ دیہاتوں میں بڑے پیمانے پر کورونا تفتیشی کیمپ لگائے جانے کے ساتھ ہی لوگوں میں وبا کے خوف سے جان چھڑانے کی کوشش کی جانی چاہئے۔