'ضلع ناسک کے اسپتالوں میں مستقل آکسیجن فراہم کی جائے گی'

مہاراشٹر کے ضلع ناسک کے تمام سرکاری اسپتالوں میں مستقل آکسیجن کی فراہمی کے لیے ریاستی وزیر برائے شہری فراہمی اور امور صارفین چھگن بھجبل کی کوششوں کے توسط سے پہلے مرحلے میں 9 اسپتالوں میں آکسیجن جنریشن پلانٹس کو نصب کرنے کی منظوری دی گئی ہے۔

ضلع سالانہ منصوبے کے لیے مختص 10 کروڑ 88 لاکھ روپے سے اس منصوبے کے لیے منظوری دی گئی ہے اور جلد ہی ضلع کے بیشتر اسپتالوں میں اب خود کے آکسیجن پلانٹس لگیں گے اور آکسیجن کا مسئلہ مستقل طور پر حل ہونے کا امکان ہے۔
کورونا وائرس کےسبب چھکن بھجبل نے ضلعی انتظامیہ کو ہدایت کی تھی کہ وہ ضلع کے ہر تعلقہ کے سرکاری اسپتالوں میں آکسیجن بیڈ فراہم کیے جائیں۔ اس کے مطابق ہر تعلقہ میں آکسیجن بیڈ تیارکیے گئے ہیں۔
فی الحال آکسیجن کی فراہمی نہ ہونے کی وجہ سے آکسیجن کی بہت بڑی قلت ہے۔ لہذا اس کے لئے ضلعی جنرل اسپتال کے ساتھ ضلع کے سالانہ منصوبے کے ذریعے وزیر چھگن بھجبل نے ناسک کی ضلع انتظامیہ کو ہدایت کی تھی کہ وہ ضلع کے 4 سب ڈسٹرکٹ اسپتالوں اور 4 دیہی اسپتالوں میں آکسیجن جنریشن پلانٹ لگائیں۔

اسی مناسبت سے ضلع کلکٹر سورج مانڈھرے نے اس منصوبے کے لئے پہلے مرحلے کے لئے 10 کروڑ 88 لاکھ روپے کے فنڈ کو انتظامی منظوری دے دی ہے۔

ضلع میں پہلے مرحلے میں ناسک ضلع اسپتال کے ساتھ منماڑ ، یولا ، کلون اور چاندوڑ یہ سب ڈسٹرکٹ اسپتالوں اور سننر ، پمپلگاؤں بسونت ، اگتپوری اور ونی دیہی اسپتالوں میں آکسیجن جنریشن پلانٹ لگائے جائیں گے۔

اس تجویز کو ڈسٹرکٹ کلکٹر نے منظوری دے دی ہے اور یہ پلانٹ کورونا کے پس منظر میں ایک ماہ کے اندر نصب کیے جائیں گے۔ اس پلانٹ کے ذریعے روزانہ 860 جمبو سلنڈر تیار کیے جائیں گے اور اسپتال میں مستقل آکسیجن فراہم کی جائے گی۔
خاص بات یہ ہے کہ اس منصوبے میں مائع آکسیجن کی ضرورت نہیں ہوگی بلکہ قدرتی شکل میں ہوا آکسیجن فراہم کرینگے ۔ اس سے نقل و حمل کی لاگت کم ہوگی اور مستقل آکسیجن ملے گی۔

پلانٹ کی دیکھ بھال کے اخراجات میں بھی بڑی بچت ہوگی۔ یہ آکسیجن پلانٹ بہت کارآمد ثابت ہوگا اور کورونا کے دوران مریضوں کو آکسیجن کی فراہمی میں معاون ثابت ہوگا۔

ضلعی انتظامیہ کی جانب سے منصوبے کی منظوری کے بعد ایک ماہ کے اندر اس منصوبے کو ضلعی سطح پر لاگو کیا جائے گا۔ اس جدید منصوبے سے بڑی راحت ہوگی ۔