لاک ڈاؤن کی خلاف ورزی کرتے لوگ

کورونا وائرس کے بڑھتے معاملے کو دیکھتے ہوئے ملک میں لاک ڈاؤن نافذ کیا گیا ہے ، لیکن پھر بھی عوام اس کی خلاف ورزی کرتی نظر آرہی ہے۔

کورونا وائرس کے بڑھتے معاملوں کو دیکھتے ہوئے ملک میں کرفیو اور شٹ ڈاؤن جیسے احکامات جاری کئے گئے ہیں،لیکن مہاراسٹر کے اورنگ آباد میں عوام شٹ ڈاؤن کی خلاف ورزی کرتے ہوئے غیر ضروری کاموں سے سڑکوں پر ٹہلتے ہوئے نظر آ رہے ہیں ۔

اس خلاف ورزی کو دیکھتے ہوئے اورنگ آباد پولیس نے سڑکوں پر گھوم رہے لوگوں کے خلاف ایکشن لیتے ہوئے لاٹھی اور ڈنڈے برسائے ،تو وہیں کئی لوگوں کو اٹھک بیٹھک بھی لگوائی ۔

اس کے بعد اورنگ آباد پولیس نے شہر کے کئی سارے مقامات پر چیک پوائنٹ بھی لگائیں ہیں جہاں پرلوگوں سے پوچھ گچھ کے بعد ہی جانے کی اجازت دی جا رہی ہے ۔

وہیں لاک ڈاؤن کے پیش نظر اورنگ آباد کے آڈول گاؤں میں بغیر کسی اجازت کے ایک ہفتہ وار بازار لگایا جا رہا تھا،جس کی اطلاع ملنے کے بعد پولیس نے کارروائی کرتے ہوئے بازار کو خالی کرا دیا گیا۔