اورنگ آباد: پٹرول۔ڈیزل کی بڑھتی قیمتوں سے عوام پریشان

پٹرول، ڈیزل کی قیمتوں میں دن بہ دن اضافہ کی وجہ سے عام عوام کو سخت مشکلات کا سامنا کرنا پڑ رہا ہے۔ مہاراشٹر کے اورنگ آباد میں بھی پٹرول، ڈیزل کی اضافی قیمتوں کی وجہ سے عوام کو مالی خسارے کا سامنا کرنا پڑ رہا ہے۔

اورنگ آباد شہر میں پٹرول کی قیمت 97 روپئے سے تجاوز کر گئی ہے۔ پٹرول کی اضافی قیمت کے حوالے سے عام لوگوں میں برہمی کا ماحول ہے۔

ضرورت کے حساب سے لوگ گاڑیوں میں تیل تو ڈلوا رہے ہیں، لیکن اس مہنگائی کے خلاف حکومت کو تنقید کا نشانہ بھی بنا رہے ہیں۔

لوگوں کا کہنا ہے کہ پٹرول کو بھی جی ایس ٹی کے تحت لایا جائے جس طرح سے دیگر اشیاء کو لایا گیا۔ اس کے علاوہ مودی حکومت پر صنعتکاروں کی منہ بھرائی کا بھی الزام لگ رہا ہے۔

مقامی شخص مسعود احمد خان نے کہا کہ اپوزیشن مطالبہ کر رہی ہے کہ پٹرول کو جی ایس ٹی میں لایا جائے، تو ہو سکتا ہے کہ 50 سے 52 روپیہ میں ہمیں پٹرول مل سکتا ہے۔

سید ارشاد علی نے بتایا کہ ابھی تو ہم نے گاڑی کا استعمال کم کر دیا ہے۔ شدید ضرورت میں ہی گاڑی کا استعمال کرتے ہیں۔