ممبئی: زیر تعمیر عمارت کا ایک حصہ منہدم، ایک ہلاک

مہاراشٹر کے دارالحکومت ممبئی کے علاقے ڈونگری میں ایک زیر تعمیر عمارت کا ایک حصہ منہدم ہوگیا جس میں ایک شخص کی موت ہوگئی جبکہ دو افراد کی حالت نازک بتائی جارہی ہے۔

ڈونگری کے چنچ بندر میں واقع ایک زیر تعمیر سلیب صبح 11 بجے کے آس پاس گرگیا جس کی زد میں آنے سے ایک شخص کی موت واقع ہوگئی ۔

سلیب گرنے سے دو افراد زخمی بھی ہوئے ہیں جس میں سے شبیر شیخ نامی 22 سالہ نوجوان کی حالت نازک بتائی جارہی ہے۔

زخمیوں کو جے جے اسپتال میں علاج کے لیے داخل کرادیا گیا ہے۔محکمۂ فائر بریگیڈ کے اہلکار راحت کاری کاموں میں لگے ہوئے ہیں۔

مزید تفصیلات کا انتظار ہے۔