'پارلیمینٹ کی کاروائی میں خلل، بی جے پی، کانگریس کی ملی بھگت'

امتیازجلیل نے کہا، اگر سوال اٹھانے کا موقع نہیں دیا گیا تو 'ہم عوام اور میڈیا کا سہارا لیکر حکومت سے جواب طلب کریں گے۔'

مجلس اتحادالمسلمین کے رہنما اورنگ آباد کے رکن پارلیمان سید امتیاز جلیل نے کہا کہ کانگریس اور بی جے پی کی ملی بھگت کے سبب پارلیمنٹ کی کارروائی تین ہفتوں سے ٹھپ ہے۔ اور کوئی کام نہیں ہوا۔ اگر اسی طرح پارلیمنٹ میں سوال اٹھانے کا موقع نہیں ملتا ہے تو عوام اور میڈیا کے درمیان پہنچ کر حکومت سے جواب طلب کریں گے۔

پارلیمنٹ میں ایوان کی کارروائی کو نہ چلنے دینے کے معاملے میں بی جے پی اور کانگریس ایک دوسرے سے تعاون کررہے ہیں، ایم آئی ایم کے رکن پارلیمان امتیاز جلیل نے یہ الزام عائد کیا۔

ان کا کہنا ہیکہ ملک کے سامنے کئی اہم مسائل ہیں، پیگاسیس جاسوسی سے لیکر کورونا میں اموات اور مہنگائی میں بے تحاشہ اضافہ ، گرتی معیشیت جیسے سوالوں پر حکومت کو گھیرا جاسکتا ہے۔ لیکن کانگریس اور بی جے پی کی ملی بھگت سے ایوان کی کارروائی ہنگاموں کی نذر ہورہی ہے۔

ایم پی جلیل کا کہنا ہیکہ ایوان میں اگر سوال اٹھانے کا موقع نہیں دیا گیا تو 'ہم عوام اور میڈیا کا سہارا لیکر حکومت سے جواب طلب کریں گے۔'