پالگھر ہجومی تشدد معاملہ: 15 نومبر تک سماعت ملتوی

مہاراشٹر کے ضلع پالگھر میں دو سادھوؤں اور ان کے ڈرائیور کو پیٹ پیٹ کر قتل کئے جانے کے معاملے کی سپریم کورٹ میں سماعت 15 نومبر تک کے لیے ملتوی کر دی گئی ہے۔

جسٹس اشوک بھوشن کی صدارت والی بینچ نے مہاراشٹر پولیس کی جانب سے پیش کی گئی اسٹیٹس رپورٹ پر عرضی گزاروں کو جواب دینے کا وقت دیا۔

عدالت نے معاملے کی سماعت کے لیے 15 نومبر کی تاریخ مقرر کی۔ اس سے قبل مہاراشٹر حکومت نے پالگھر میں دو سادھوؤں اور ان کے ڈائیورر کے قتل کی جانچ سی بی آئی کو سونپنے کے مطالبے کی مخالفت کی۔

ریاستی حکومت نے کہا کہ پولیس فرد جرم داخل کرچکی ہے جبکہ لاپروائی برتنے والے پولیس اہلکاروں پر بھی کارروائی کی گئی ہے۔

واضح رہے کہ پالگھر میں ہجومی تشدد کی وجہ سادھوؤں اور ان کے ڈرائیور کو مبینہ طور پر قتل کردیا گیا تھا۔