Opposition Unity اپوزیشن پارٹیاں مل کر لوک سبھا الیکشن لڑیں تو کامیابی ملے گی، نتیش کمار کا بیان

ممبئی میں پوار اور ادھو سے ملاقات کے بعد بہار کے وزیر اعلی نتیش کمار نے کہا کہ اگر اپوزیشن پارٹیاں مل کر آئندہ لوک سبھا الیکشن لڑیں تو انہیں کامیابی ملے گی اور ملک صحیح سمت میں جائے گا۔

ممبئی:بہار کے وزیراعلی نتیش کمار نے کہا کہ اگر اپوزیشن پارٹیاں مل کر آئندہ لوک سبھا الیکشن لڑیں تو انہیں کامیابی ملے گی اور ملک صحیح سمت جائے گا۔ یہ اتحاد ملک کے لیے انتہائی ضروری ہے۔ بہار کے وزیر اعلی نتیش کمار نے این سی پی کے سربراہ شرد پوار سے ممبئی میں ایک میٹنگ کے بعد میڈیا سے خطاب کر تے ہوئے یہ بیان دیا۔ اس موقع پر بہار کے نائب وزیراعلی تیجسوی یادو بھی موجود تھے۔ ملک میں 2024 کے لوک سبھا انتخابات سے پہلے اپوزیشن کے اتحاد کو مضبوط کرنے کی کوشش میں بہار کے وزیر اعلیٰ اور جنتا دل (یونائیٹڈ) کے رہنما نتیش کمار نے جمعرات کو نیشنلسٹ کانگریس پارٹی (این سی پی) کے سپریمو شرد پوار اور شیو سینا (یو بی ٹی) کے رہنما ادھو ٹھاکرے سے ممبئی میں ملاقات کی۔ اس سے قبل وہ جھاڑکھنڈ اور اڑیسہ بھی گئے جہاں اپنے ہم منصب سے ملاقاتیں کی۔

نتیش کمار نے کہا کہ حکمراں بی جے پی جو کچھ کر رہی ہے وہ ملک کے مفاد میں نہیں ہے۔ انہوں نے اپوزیشن جماعتوں کو مل کر کام کرنے اور قوم کے مفاد میں متحد ہونے کی ضرورت پر زور دیا، جس کے آنے والے لوک سبھا انتخابات میں بی جے پی کا مقابلہ کرتے ہوئے اچھے نتائج برآمد ہوں گے۔ انہوں نے اپنے نائب راشٹریہ جنتا دل (آر جے ڈی) لیڈر تیجشوی یادو کے ساتھ باندرہ میں ٹھاکرے کی نجی رہائش گاہ 'ماتوشری' میں شیو سینا (یو بی ٹی) لیڈر سے ملاقات کی اور بعد میں انہوں نے پوار سے ان کے سلور اوک بنگلے میں ملاقات کی۔

اس سے قبل نتیش کمار نے ادھو ٹھاکرے سے ملاقات کے بعد کہا کہ اگر ہم "اپوزیشن پارٹیاں" مل کر لڑیں گے تو کامیابی ہوگی اور ملک صحیح سمت میں گامزن ہوگا۔ جے ڈی (یو) لیڈر نے مزید کہا کہ کوئی تنازعہ نہیں ہونا چاہئے اور سب کو ملک کے مفاد میں متحد رہنا چاہئے۔ یہ پوچھے جانے پر کہ کیا این سی پی کے سرپرست اپوزیشن کا اہم چہرہ ہوں گے، نتیش کمار نے کہا کہ اس سے زیادہ خوش کن اور کوئی چیز نہیں ہوگی اور انہوں نے مزید کہا کہ انہوں نے شرد پوار سے کہا کہ وہ این سی پی کے لیے بلکہ پوری طاقت کے ساتھ کام کریں۔ پوار نے کہا کہ ملک کی موجودہ حالت کو دیکھتے ہوئے "جمہوریت کو بچانے" کے لیے مل کر کام کرنا ضروری ہے۔

انہوں نے کہاکہ "میری معلومات کے مطابق، بی جے پی کرناٹک اسمبلی الیکشن ہارنے والی ہے۔ یہ صرف کرناٹک تک محدود نہیں ہے، ملک کے بڑے حصوں میں یہی صورتحال ہے۔ مجھے خوشی ہے کہ نتیش جی نے آج جس چیز کی ضرورت ہے اسے پورا کرنے کا مشن اٹھایا ہے۔ واضح رہے کہ منگل کو انہو ں نے بھوبنیشور میں اڈیشہ کے اپنے ہم منصب سے ملاقات کی۔ کمار جنہو ں نے گزشتہ سال بی جے پی سے تعلقات منقطع کرکے اسے اقتدار سے بے دخل کردیا تھا ”اپوزیشن اتحاد“ کی اپنی وکالت کے ذریعہ قومی سرخیوں میں آئے ان کا ماننا ہے کہ اگلے سال کے لوک سبھا انتخابات میں بی جے پی کو متحدہ طور پر شکست دی جاسکتی ہے۔ این سی پی کے شرد پوار کا کہنا ہے کہ سپریم کورٹ کے فیصلے نے ظاہر کیا ہے کہ قانون ساز پارٹی حتمی نہیں ہے۔ این سی پی کے شرد پوار کا کہنا ہے کہ سپریم کورٹ کے فیصلے نے ظاہر کیا ہے کہ قانون ساز پارٹی حتمی نہیں ہے۔ یہ پوچھے جانے پر کہ کیا مہاراشٹر حکومت کو اخلاقی نقطہ نظر سے استعفیٰ دینا چاہئے، پوار کا کہنا ہے کہ اخلاقیات اور بی جے پی دو متضاد ہیں۔

این سی پی کے سربراہ شرد پوار جمعرات کو ممبئی میں میڈیا سے خطاب کر رہے تھے۔ این سی پی کے سربراہ شرد پوار نے جمعرات کو کہا کہ مہاراشٹر کے سیاسی بحران پر سپریم کورٹ کے حکم نے یہ ظاہر کیا ہے کہ ایک سیاسی پارٹی کا حکم قانون ساز پارٹی سے زیادہ اہم ہے۔ عدالت نے حکومت کے خلاف کچھ سخت مشاہدات کیے ہیں۔ اس نے کہا ہے کہ قانون ساز پارٹی حتمی نہیں ہے۔ ایک سیاسی پارٹی کا حکم جس پر لوگ لڑتے ہیں اہم ہے، "پوار نے بہار کے وزیر اعلی نتیش کمار سے ملاقات کے بعد ایک پریس کانفرنس سے خطاب کرتے ہوئے کہا۔ این سی پی کے شرد پوار کا کہنا ہے کہ سپریم کورٹ کے فیصلے نے ظاہر کیا ہے کہ قانون ساز پارٹی حتمی نہیں ہے۔ نتیش کمار، شرد پوار نے لوک سبھا انتخابات سے قبل اپوزیشن اتحاد کو مضبوط کرنے پر تبادلہ خیال کیا۔