خیال رہے کہ حال ہی میں شہری ہوا بازی کے مرکزی وزیر ہردیپ سنگھ پوری نے کہا تھا کہ 25 مئی سے تمام گھریلو پروازوں کو پھر سے شروع کیا جاسکتا ہے۔
مسٹر دیشمکھ نے ٹوئٹ کیا کہ ریڈ زون میں ہوائی اڈوں کو پھر سے کھولنے کی صلاح نہایت ناسمجھی والا قدم ہے۔ مسافروں کے لیے تھرمل اسکریننگ، لار ٹیسٹ موجودہ حالات میں آٹو، کیب اور بسوں کو چلانا ناممکن ہے۔ متاثرہ مریضوں کے آنے سے ریڈ زون میں دباؤ بڑھ جائے گا۔
انہوں نے کہا کہ گرین زون سے مسافروں کو ریڈ زون میں آنے دینے سے انہیں انفیکشن کے خطرہ میں ڈالنے کی بات سمجھ سے باہر ہے۔ کسی مصروف ہوائی اڈہ کو تمام کورونا سیکورٹی اقدامات کے ساتھ چلانے کے لیے بڑی تعداد میں ملازمین کی ضرورت ہوگی اور اس سے ریڈ زون میں خطرہ مزید بڑھے گا۔
مہاراشٹر میں آج تک کورونا متاثرین کی مجموعی تعداد 47190 تک پہنچ گئی ہے اور اس وائرس سے 13404 لوگ ٹھیک ہوگئے ہیں۔ اس وائرس سے ابھی تک 1577 مریضوں کی موت ہوگئی ہے۔