اورنگ آباد: آن لائن مجالسِ عزا کا اہتمام

اورنگ آباد شہر میں محرم الحرام کے دوران آن لائن مجالس عزا کا اہتمام ہوگا اور ساتھ ہی شہر میں یومِ عاشورہ کو ماتمی جلوس نہیں نکالا جائے گا۔

کورونا وبا کے دوران محرم کا مہینہ شروع ہوگیا ہے، اس مہینے کا پہلا دس دن تمام مکاتب فکر کے لیے کافی اہمیت کا حامل ہے۔ اسلامی تاریخ میں عاشورہ کی اپنی اہمیت ہے۔ عاشورہ کے دس دن شیعہ برادران اور بوہرہ کمیونٹی مجالس عزا کا اہتمام کرتی ہیں۔

واقعہ کربلا اور امام حسین کی شہادت کو یاد کیا جاتا ہے لیکن کورونا وبا کے سبب تمام مکاتب فکر نے اس مرتبہ محرم سادگی سے منانے اور آن لائن مجالس کا اہتمام کرنے کا فیصلہ کیا ہے۔

ذمہ داروں کا کہنا ہے کہ ریاستی حکومت کی گائیڈ لائن کے مطابق عمل کیا جائے گا تاکہ اس مہلک وبا کی روک تھام کو یقینی بنایا جاسکے۔