آن لائن ٹھگی کرنے والا گرفتار

آن لائن اور انٹرنیٹ نے موجودہ دور میں انقلاب برپا کر دیا ہے۔ لیکن ایک طبقہ اسی آن لائن کا سہارا لیکر گھر بیٹھے ملک کے الگ الگ حصوں میں عوام کے ساتھ دھوکہ دہی کر کے لاکھوں روپے اڑا لیتے ہیں۔

ایسا ہی معاملہ ممبئی کے تاڈدیو پولیس تھانے کی حد میں پیش آیا۔ جب ایک سینئر سٹیزن کو فون کال کے ذریعہ ان کی اپنی انشورنس پالیسی کو جاری رکھنے کے لئے کال آئی۔ کال کرنے والےخود کو ڈی ایف سی انشورنس پالیسی کا ایجنٹ بتایا۔ ایجنٹ کی باتوں میں آکر سینیر سٹیزن نے آن لائن پالیسی کو جاری رکھنے کے لئے لاکھوں روپے ٹراسفر کر دیے۔ لیکن بعد میں انھیں پتہ چلا کہ یہ فرضی ہے۔ معاملہ پولیس تھانے میں درج ہوا۔ پولیس نے معاملے کی تفتیش شروع کر دی۔

ممبئی پولیس نے کہا اس معاملے میں ابتک 9 لوگوں کو گرفتار کیا گیا ہے۔ تفتسش میں پتہ چلا کہ سینئر سٹیزن نے 2013 میں انشورنس پالیسی لی تھی لیکن پیسے نہ بھرنے کی وجہ سے پالیسی ایکٹیو نہیں تھی۔ دھوکے بازوں نے اسے ایکٹیو کرنے کے نام پر ہی انہیں دھوکہ دیا۔ گرفتار ملزمین دلی فریدآباد اور ملک کے دوسرے حصوں کے رہنے والے ہیں اور وہ اس پیشے کو طویل عرصے سے انجام دے رہی ہیں۔ ان لوگوں کو گرفتار کرنے کے لئے پولیس نے کڑی مشقت کی۔ جس کے بعد اب ممبئی پولیس لوگوں سے اپیل کر رہی ہے کہ اس طرح کی وارداتوں کے شکار ہونے سے بچنے کے لئے احتیاط برتیں۔

فی الحال ممبئی پولیس اب اس معاملے میں یہ تفتیش کر رہی ہے کہ گرفتار ملزمین کے پاس آخر کار ان لوگوں کی جانکاری کیسے پہنچی جن کے پالیسی کسی نہ کسی وجہ سے بینڈ ہو چکی ہے۔ پولیس کی مانیں تو اس معاملے میں تفتیش کا دائرہ جیسے جیسے سخت ہوتا جائیگا اور بھی کئی گرفتاریاں ممکن ہیں۔