اورنگ آباد: گھاٹی سرکاری ہسپتال کے نرسنگ عملے کا احتجاج

اورنگ آباد میں گھاٹی سرکاری ہسپتال کے کورونا وارڈ میں کام کرنے والے نرسنگ اسٹاف نے حکومت کے خلاف احتجاج کیا ۔

ریاست مہاراشٹر میں اورنگ آباد کے گھاٹی سرکاری ہسپتال کے نرسنگ عملے نے اپنا کام بند کرکے ریاستی حکومت کے خلاف احتجاج کیا۔

اس دوران نرسنگ عملے نے میڈیا سے بات کرتے ہوئے کہا کہ 'کورونا وارڈ میں کام کرنے والے نرسنگ اسٹاف کو حکومت کی جانب سے کورونا وبا سے تحفظ کے لئے ضروری اشیا فراہم نہیں کی جا رہی ہے، جس سے نرسنگ اسٹاف کو دشواریوں کا سامنا کرنا پڑرہا ہے ۔

انہوں نے یہ بھی کہا کہ 'انتظامیہ کی جانب سے جو پی پی ای کٹس فراہم کی گئی ہے وہ ناقص قسم کے ہیں، جو عملے کی جان کو خطرہ میں ڈال رہا ہے، ہسپتال میں ماسک بھی بہتر کوالیٹی کے دستیاب نہیں ہیں۔ عملے کا کہنا ہے کہ 'اگر ان کے مطالبات جلد ازجلد پورے نہیں کئے گئے تو وہ غیر معینہ مدت کے لئے ہڑتال کریں گے ۔