ممبئی: بی جے پی دفتر میں سناٹا

مہاراشٹر میں جس طرح سے سیاسی گہما گہمی جاری ہے شاید اس بارے میں کوئی سوچ بھی نہیں سکتا تھا لیکن شیوسینا کے بی جے پی سے اتحاد توڑ لینے کے بعد ریاست میں سیاست نے ایک دلچسپ رخ اختیار کرلیا ہے۔

کہتے ہیں سیاست میں ناممکن نام کے الفاظ کا کوئی تصور نہیں، کب کون سی سیاسی پارٹی کس کی حمایت میں اپنا علم اونچا کردے اس کا کوئی بھروسہ نہیں۔

کیونکہ مہاراشٹر میں حکومت سازی کو لے کر جس طرح سے شیوسینا این سی پی اور کانگریس نے مل کر بی جے پی کو اقتدار سے دور رکھا یہ اسی ناممکن کو ممکن بنانے کی جیتی جاگتی مثال ہے۔

لیکن سیاست کے عروج کے ساتھ ساتھ سیاست کے زوال کی بھی ایک ایسی تصویر جسے دیکھنے کے بعد آپ دانتوں تلے انگلیاں دبا لیں گے۔

کبھی پانچ برسوں تک جس طرح سے آپ نے کانگریس اور این سی پی کے دفتروں میں چھایا سناٹا دیکھا ہوگا بالکل آج وہی حال بی جے پی کے دفتر کا بھی ہے جس کا جائزہ ممبئی کے ہمارے نمائندے شاہد انصاری نے لیا ہے۔