مالیگاؤں شہر میں مہا گٹھ بندھن اگھاڑی اور جنتادل سیکولر کے رہنما مستقیم ڈگنیٹی نے پریس کانفرنس میں کہا ہے کہ شہر میں فرقہ پرستی کا رُخ تبدیل ہورہا ہے اور اب شیوسینا جیسی سخت گیر جماعت کارپوریشن میں پوری طرح سے حاوی ہے۔ یہاں تک کہ کارپوریشن افسران کے تبادلے کروانے یا نہ کروانے میں بھی شیوسینا کی لیڈرشپ ہی حاوی ہے۔
جنتادل سیکولر پارٹی کے رہنما مستقیم ڈگنیٹی مستقیم ڈگنٹی نے کہا کہ گزشتہ دنوں نائب میونسپل کمشنر نتن کاپڑنیس کا بھی تبادلہ اس وجہ سے کیا گیا ہے کہ وہ تلواڑہ ڈیم سے دابھاڑی کو پانی دینے کے معاہدے میں دابھاڑی کی جانب سے رکھی گئی شرائط کے خلاف تھے۔
انہوں نے مزید کہا کہ شیوسینا لیڈر و ریاستی وزیر کا رویہ مالیگاؤں کی 80 فیصد عوام کے خلاف نظر آتا ہے اور شہر کے مشرقی علاقے کی عوام کو تکلیف پہنچانے میں کوئی کسر نہیں چھوڑی گئی ہے۔
