'شبانہ اعظمی کے زخمی ہونے کی خبر پریشان کرنے والی ہے'

وزیراعظم نریندرمودی نے کہا ہے کہ اداکارہ شبانہ اعظمی کی سڑک حادثے میں زخمی ہونے کی خبر پریشان کرنے والی ہے۔

وزیراعظم نریندر مودی نے ٹوئٹ کیا کہ 'سڑک حادثے میں شبانہ اعظمی کے زخمی ہونے کی خبر پریشان کرنے والی ہے۔ میں ان کے جلد صحت یاب ہونے کی آرزو کرتا ہوں'۔

وزیراعظم نریندر مودی کا ٹوئیٹ

اس درمیان دہلی کے وزیراعلی اروند کیجری وال نے بھی اداکارہ کے حادثے میں زخمی ہونے پر اپنے دکھ کا اظہار کیا ہے کہ وہ ان کے (شبانہ اعظمی) کے فوری صحت مند ہونے اور اچھی صحت کے لئے دعا کرتے ہیں۔

واضح رہے کہ اعظمی کی کار مہاراشٹر میں کھالاپور ٹول پلازہ کے نزدیک پونے۔ممبئی ایکسپریس وے پر ایک ٹرک سے ٹکراگئی۔ اس کے فورا بعد اداکارہ کو ایک اسپتال میں بھرتی کرایا گیا۔