نوی ممبئی پولیس نے کھاڑی کے کنارے تفریح کرنے والوں کے خلاف لاک ڈاؤن قوانین کی خلاف ورزی کرنے کے جرم میں معاملہ درج کر کے 10 لوگوں کو گرفتار کیا ہے۔
سینیئر پولیس انسپکٹر اجے لانڈگے نے بتایا کہ پنویل کولی واڈہ کے علاقے میں لوگوں کو سخت تاکید کی گئی تھی اس کے باوجود لوگ اس علاقے میں گئے۔اس لیے اب ان کے خلاف کارروائی کی جا رہی ہے ۔
شہر کی ان بلڈنگوں کی چھتوں پر بھی اگر لوگ سیر و تفریح کے لیے جمع ہوتے ہیں تو ان کے خلاف بھی کارروائی کی جائے گی، کیونکہ ڈرون سے جب سے پولیس نے شہر پر نگرانی شروع کی تو پتا چلا کہ شہر کی چھتوں پر لوگوں کی تعداد خاصی دیکھی گئی ہیں جو کہ لاک ڈاؤن قوانین کی دھججیاں اڈا رہی ہیں ۔
پولیس نے ایک سوسائٹی کو نوٹس جاری کرتے ہوئے پورے شہر کو آگاہ کیا ہے کہ اگر کسی کی بھی چھت پر غیر ضروری طریقے سے لوگ اگر دیکھے گئے تو ان کے ساتھ ساتھ سوسائٹی کے خلاف بھی سخت کارروائی کی جائے گی۔
حال ہی میں ریاست کے وزیر داخلہ انل دیشمکھ نے شہر پر ڈرون سے کیسے نگرانی کی جائے اس کا جائزہ لیا ۔اس کے بعد ممبئی نوی ممبئی اور ریاست کے دوسرے شہروں میں ڈرون سے نگرانی کی جارہی ہے ۔مقصد صرف یہی ہے کہ وہ لوگ جو لاک ڈاؤن میں کورونا وبا کو سنجیدگی اختیار نہیں کرتے اور سیر تفریح کے لیے کوئی نہ کوئی مقام ڈھونڈھ لیتے ہیں تو اب ان کی خیر نہیں کیونکہ ڈرون کی نظر سے بچنا مشکل ہی نہ ممکن ہے ۔